Archive for April, 2010

Նախագահ Սարգսյանի հետ հանդիպումից առաջ Էրդողանը չի դադարել խոսել հայ-թուրքական հարաբերություններում առանցքային խնդիր դարձած երկու հարցերի շուրջ: Երկրից մեկնելուց առաջ կայացած մամուլի ասուլիսում Էրդողանը խոսել է պատմաբանների հանձնաժողովի ստեղծման եւ Ղարաբաղյան գործընթացի մասին:

Այսօր երեկոյան Երեւանի ժամանակով ժամը 23-ին Նախագահ Սերժ Սարգսյանն այցելելու է ԱՄՆ նախագահ Վուդրո Վիլսոնի շիրիմին եւ ծաղկեպսակ կդնի այնտեղ: Ամերիկահայ խոշորագույն կազմակերպությունները նախագահի այցելությունը բնութագրել են “որպես ուժգին ազդակ ողջ հայության ճշմարտացի ու արդար պայքարի”: Նրանք հանդես են եկել Նախագահ Սարգսյանին ուղղված համատեղ կոչով:

Գերմանական “ARD” հեռուստաընկերությունը ցուցադրել է գերմանացի փաստագրող Էրիկ Ֆրիդլերի` Հայոց ցեղասպանության մասին պատմող “Աղետ” ֆիլմը: Գերմանական ազդեցիկ “Շպիգել” հանդեսը “Աղետ” ֆիլմը որակել է Ցեղասպանության եղելությունն ամբողջապես վերականգնելու ուղղությամբ արված քայլերից մեկը:

Շարունակվում է անորոշություն պահպանվել Վաշինգտոնում Օբամա-Էրդողան հնարավոր հանդիպման հարցի շուրջ: Ամերիկացի պաշտոնյաները հերթական անգամ խոսելով Օբամայի հանդիպումների գրաֆիկի մասին, չեն հիշատակել Էրդողանի անունը, փոխարենը շեշտելով, որ կայանալու է Օբամայի հանդիպումը Սերժ Սարգսյանի հետ:

Երեկ երեկոյան Թուրքիայի վարչապետի բանագնաց Սինիրլիօղլուն Բաքվում հանդիպել է Իլհամ Ալիեւին, ում փոխանցել է Էրդողանի նամակը:£Նամակում հանգստության կոչ է արվել, ընդգծված` “Մեր խոսքը խոսք է, մի անհանգստացեք” արտահայտությամբ:

ՀՀ նախագահ Սերժ Սարգսյանը նախօրեին ընդունել է Թուրքիայի վարչապետ Ռեջեփ Թայիփ Էրդողանի առաջարկը` Վաշինգտոնում կայանալիք գլոբալ գագաթաժողովի շրջանակում երկկողմ հանդիպում կազմակերպելու վերաբերյալ: Որոշ փորձագետների կարծիքով` այդ այցի ընթացքում ճշտվելու է նաեւ Վաշինգտոնում հրապարկվելիք Էրդողան-Սարգսյան համատեղ հայտարարության տեքստը:

Նախագահ Սերժ Սարգսյանը մեկնելու է Միացյալ Նահանգներ ապրիլի 11-ին: Այստեղ է լինելու նաեւ Թուրքիայի վարչապետ Ռեջեփ Թայիփ Էրդողանը: Սպիտակ Տան մամուլի խոսնակ Ռոբերտ Գիպսը տեղեկացրել է, որ Էրդողան-Օբամա-Սարգսյան եռակողմ հանդիպում չի լինելու: Օբաման կհանդիպի մի շարք երկրների ղեկավարներին` այդ թվում` Սերժ Սարգսյանի: Էրդողանը ցուցակում ընդգրկված չէ:

“Պատմական հանձնաժողով ստեղծելը կնշանակեր կասկածի տակ դնել մեր ժողովրդի դեմ իրագործված Ցեղասպանության փաստը: Դա մեզ համար անընդունելի է”: Նախագահ Սերժ Սարգսյանը հարցազրույց է տվել գերմանական “Շպիգել”-ին: Թուրքիայի վարչապետի հայտարարություններ, Ցեղասպանության ճանաչման հարցը, հայ-թուրքական գործընթաց եւ ղարաբաղյան խնդիրը` այս թեմաներն են հետաքրքրել գերմանացի լրագրողին:

Թուրքիայի վարչապետ Ռեջեփ Թայիփ էրդողանը մեկնելու է Միացյալ Նահանգներ: Այս մասին լրագրողներին հայտնել է անձամբ` նշելով, որ Վաշինգտոնում շատ անելիքներ ունի: Վարչապետը տեղեկացրել է, որ առաջիկայում իր պարտականություններին կվերադառնա նաեւ ԱՄՆ-ից հետ կանչված Թուրքիայի դեսպան Նամըկ Թանը:

“Եթե առաջիկայում Հայաստանի եւ Թուրքիայի միջեւ ստորագրված Արձանագրությունների առնչությամբ Անկարան հանդես չկա հայտարարությամբ, Երեւանը այդ փաստաթղթերը չեղյալ է հայտարարելու”: Նման կարծիք հայտնել է թուրք հայտնի լրագրող, “CNN Turk” հեռուստաալիքի գլխավոր խմբագիր Մեհմեդ Ալի Բիրանդը, ով օրերս Հայաստանում էր: