Archives

Ղարաբաղյան հակամարտությունը պետք է լուծվի Ղարաբաղի մասնակցությամբ. այսպես մտածում են ե’ւ Ղարաբաղում, ե’ւ Հայաստանում: Բանակցային ձեւաչափի մասին երեկ եւ այսօր Երեւանում տեսակետներ են հայտնել նաեւ ԵԱՀԿ-ի ներկայացուցիչները: Արդյունքում, դրանցից Բերնար Ֆասիեի պատասխանում, օրինակ, իշխանությունը դրական առաջընթաց է տեսնում, ընդդիմությունը` հակառակը:

ԱՄՆ պետքարտուղար Հիլարի Քլինթոնի փոխանցմամբ` Բարաք Օբաման Նախագահ Սերժ Սարգսյանին հրավիրում է Վաշինգտոն` մասնակցելու Գլոբալ միջուկային անվտանգության գագաթնաժողովին: Ըստ մեր ունեցած տեղեկության` հրավիրված է նաեւ Թուրքիայի վարչապետը: Մեր երկրի Նախագահն ընդունել է Բարաք Օբամայի հրավերը: Ռեջեփ Թայիփ Էրդողանի այցը ոչ պաշտոնական հարցականի տակ է:

“Թուրքիայի վերջին հայտարարությունները թույլ են տալիս մտածել, որ թուրքերն արձանագրությունները չեն վավերացնելու”,- հայտարարել է Արեւելագիտության ինստիտուտի տնօրեն Ռուբեն Սաֆրաստյանը: Նա ավելացրել է, որ այս պարագայում Հայաստանի` բանակցային գործընթացից դուրս գալը հեղինակության հարց է:

Դեսպանի հետկանչ, պաշտոնական հանդիպումների հետաձգում, ընդունված բանաձեւը դատապարտող հայտարարություն. Թուրքիայի արտաքին քաղաքականությանն արդեն շատ բնորոշ դիրքորոշում այն երկրների նկատմամբ, որոնք ճանաչում են Հայոց Ցեղասպանությունը: Այս անգամ հերթը Շվեդիայինն է, որի խորհրդարանը երեկ Յայոց Ցեղասպանությանն արդրադարձող բանաձեւ ընդունեց` 130 դեմ, 131 կողմ հարաբերակցությամբ:

Շվեդիայի խորհրդարանում կայացած քննարկումների եւ քվեարկության մանրամասների շուրջ ՙԵրկիր Մեդիա՚ հեռուստաընկերության ուղիղ եթերում մանրամասնություններ է հաղորդել ՀՅԴ Սկանդինավիայի Հայ Դատի հանձնախմբի ատենապետուհի Սյուզան Խարդալյանը։

Էրդողանը հրաժարվեց այցից ու ետ կանչեց դեսպանին:
Շվեդիայի խորհրդարանը 131 կողմ եւ 130 քվեների հաարաբերակցությամբ քիչ առաջ ընդունեց Հայոց Ցեղասպանությունը դատապարտող որոշումը։ Հակառակ թուրքական կողմի բոլոր ճնշումների, շվեդ պատգամավորները քվեարկեցին ճշմարտության օգտին, որը պահանջում էին նաեւ խորհրդարանի առջեւ հավաքված ցուցարարները։ Իսկ քիչ անց հայտնի դարձավ, որ Թուրքիան ետ է կանչել Շվեդիայում իր դեսպանին, իսկ Էրդողանը չեղյալ է հայտարարել այդ երկիր իր կատարելիք այցը։

Շվեդիայի խորհրդարանում այսօր կքննարկվի եւ քվեարկության կդրվի երկրի ընդդիմադիր կուսակցությունների աջակցությունը վայելող Հայոց ցեղասպանությունը ճանաչող բանաձեվը: Շվեդիայում Թուրքիայի դեսպան Զերգյուն Քորություրքը հայտարարել է, որ այնքան էլ մեծ չէ հավանականությունը, որ բանաձեվը կընդունվի խորհրդարանի լիագումար նիստում, սակայն կա ռիսկ:

Թուրքիայի Ազգային մեծ ժողովի Արտաքին հարաբերությունների հանձնաժողովի նախագահ Մուրադ Մերջանն առաջարկել է սառեցնել արձանագրային գործընթացը. “Իմ կարծիքով` ճիշտ չէ հանձնաժողովի օրակարգ բերել Արձանագրությունները, քանի դեռ այդ երեք հարցերում մեզ, մեր ազգին գոհացնող զարգացումներ չեն գրանցվել”:

“Մինչեւ չտեսնենք թե ապրիլի 24-ին ինչ է անելու Բարաք Օբաման, Հայաստանի հետ ստորագրված արձանագրությունների հարցում որեւէ քայլ չենք կատարելու”,- հայտարարել է Թուրքիայի արտգործնախարար Ահմեթ Դավութօղլուն: Թուրք դիվանագետը նաեւ ընդգծել է, որ այս հարցում Մեջլիսը միաձայն է:

ԱՄՆ հայ համայնքն իր դժգոհությունն է հայտնում Հայոց Ցեղասպանության ճանաչման դեմ ուղղված ԱՄՆ նախագահի ընտրած դիրքորոշման առնչությամբ: ՀՅԴ Հայ Դատի ԱՄՆ-ի հանձնախմբի ատենապետ Քեն Հաչիկյանը պաշտոնական նամակ է հղել Սպիտակ Տան ղեկավարին, որտեղ Օբամայի վարչակազմի ցուցաբերած մասնակցությունը բարոյական վիրավորանք է անվանել բոլոր ամերիկահայերի նկատմամբ: