Արձանագրությունները արտաքին հարաբերությունների մշտական հանձնաժողով մուտք չեն արվել

ԱԺ արտաքին հարաբերությունների մշտական հանձնաժողովը դեռ չի ստացել Հայաստանի ու Թուրքիայի միջև հարաբերությունների կարգավորման վերաբերյալ արձանագրությունները: Panorama.am-ի թղթակցի հետ զրույցում ասաց հանձնաժողովի նախագահ, ՀՅԴ խմբակցության անդամ Արմեն Ռուստամյանը:

«Արձանագրությունները կոնկրետ ֆիզիկապես մուտք չեն արվել հանձնաժողով»,-ասաց հանձնաժողովի նախագահը, ավելացնելով, որ այսօր ԱԺ նախագահի կողմից դրանք դրվել են շրջանառության մեջ:

Ավելացնենք, որ ԱԺ նախագահը արձանագրությունների քննարկման համար գլխադասային է նշանակել արտաքին հարաբերությունների մշտական հանձնաժողովը։