Archive for April, 2010

Հայ-թուրքական արձանագրություններին դեմ հանդես եկող քաղաքական ուժերն անցկացրել են ընդլայնված հավաք եւ հանդես եկել համատեղ հայտարարությամբ: Շեշտադրումը նույնն է` արձանագրությունները ծառայում են թուրքական նախապայմաններին: Այս հայտարարությամբ, առաջին անգամ հրապարակվել են վերապահումների ձեւակերպումները, որոնց առկայության պայմաններում ուժերի համար ընդունելի կլիներ վավերացումը:

ԱՄՆ կոնգրեսականները կոչ են անում նախագահ Բարակ Օբամային ճանաչել ու դատապարտել Հայոց ցեղասպանությունը: ԱՄՆ Կոնգրեսի շենքում, Ներկայացուցիչների պալատի նախագահ Նենսի Փելոսիի գլխավորությամբ ու Արեւելյան Ամերիկայի թեմի առաջնորդ Օշական արքեպիսկոպոս Չոլոյանի օրհնությամբ Հայոց Ցեղասպանությաննը նվիրված նիստ է անցկացվել:

Ապրիլի 24-ին ընդառաջ Մոսկվայում Հայ Դատի գրասենյակի նախաձեռնությամբ մեծ Եղեռնի 95-րդ տարելիցի կապակցությամբ անցկացվել է հիշատակի երեկո: Ներկայացնում են Մոսկվայի մեր գործընկերները:

Հայոց ցեղասպանության 95-րդ տարելիցին նվիրված ոգեկոչման միջոցառումները համակարգված անցկացնելու նպատակով ստեղծված միացյալ հանձնախումբը մի շարք ձեռնարկներ է կազմակերպում նաեւ Կանադայում:

Իշխող կոալիցիայի կուսակցությունների քաղաքական խորհուրդները համատեղ հայտարարությամբ են հանդես եկել. “Նկատի ունենալով թուրքական կողմի հրաժարումն առանց նախապայմանների արձանագրությունները վավերացնելու պարտավորությունները` անհրաժեշտ ենք համարում հանել դրանց քննարկումն ԱԺ քառօրյա նիստերի օրակարգերից` մինչեւ թուրքական կողմը պատրաստ կլինի առանց նախապայմանների գործընթացի հետագա շարունակման…”:

Հրանտ Մարգարյան, ՀՅԴ Բյուրոյի ներկայացուցիչ. “Այսօր լավ ենք զգում, երբ Սերժ Սարգսյանը բացեիբաց, ի լուր աշխարհի հայտարարում է, որ նման բան չկա, բայց նաեւ կույր պետք է լինել չտեսնելու, որ ինչ-որ բան կա. այդ մասին խոսել է Օբաման, խոսել է Քլինթոնը, Շվեյցարիայի արտգործնախարարը

Վահան Հովհաննիսյան, ԱԺ ՀՅԴ խմբակցության ղեկավար. “Որքան ժողովուրդը բարձր է գնահատում իր հոգեւոր արժեքները, այնքան էլ ավելի է հպարտանում իր երկրով. սա փիլիսոփայական ընդունված դոկտրին է: Եվ եթե ես դա գիտեմ, ուրեմն թուրքական հետախուզությունն էլ գիտի:

Օրերս գերմանական “ARD” պետական հեռուստակայանով ցուցադրված “Աղետ-Ցեղասպանություն” փաստագրական ֆիլմը, որի մասին արդեն ներկայացրել էինք օրեր առաջ, շարունակում է բուռն քննարկման առարկա մնալ:

“Հայ-թուրքական արձանագրությունների ստորագրումից հետո գործընթացը կանգ է առել: Մենք շարունակելու ենք աշխատել երկու կողմերի հետ էլ, փորձելով գտնել ճիշտ բանաձեւը եւ վավերացման ժամկետները, եւ տեսնել, թե ինչ օգուտ են քաղելու կողմերը դրանից”,-ասել է ԱՄՆ պետքարտուղարության խոսնակ Ֆիլիպ Քրուոլին:

Թուրքիայի արտգործնախարար Ահմեդ Դավութօղլուն երեկ ավարտել է իր հանդիպումները ԱՄՆ-ում եւ առաջիկա երկուշաբթի օրն արդեն ժամանելու է Բաքու: Նա տեղեկացրել է, որ մինչ այդ կրկին հանդիպել է Հիլարի Քլինթոնի հետ եւ հայտարարել, որ հետամուտ են հայ-թուրքական արձանագրություններն առաջ տանելու եւ նույն չափորոշիչներով հայ-ադրբեջանական հակամարտությունը կարգավորելու հարցում: